6:28 PM
S M S Lanka
කියල දුවේ ඔයාගේ අම්මා පතිකුලයට යන දවසේ තාත්තත් එක්‌ක අම්මගේ මහ ගෙදරින් එළියට බහින කොට අම්මගේ අයියා, ඒ කියන්නේ දුවගේ ලොකු මාමා අම්මට කියපු කතාවක්‌ ඒ...
ඇත්තටම ඒක එහෙමම ද කියන කාරණාව හමුවේ අම්මට එදා හිතුණේ, නෑ මගේ නැන්දම්මා එහෙම වෙන එකක්‌ නැහැ. මගේම අම්මා වගේ ම වෙයි කියලයි.
ඒත් දුවේ.. දින සතිවලින් මාසවලට ගෙවෙද්දී, කාලය අවුරුදුවලින් පසුවෙද්දී ලොකු මාමා කියපු කතාව ටිකෙන් ටික ඇත්ත වෙන්නට වුණේ ජීවිතයට කලකිරීමක්‌ එකතු කරන ගමන්.
"වැඩියෙන් නරක වෙන්නත් එපා." කියලා ලොකු මාමා උපදෙස්‌ දුන්නත්, එහෙම නරකකමක්‌, නපුරුකමක්‌ අම්මා අතින් සිදු නොවුණත්, සිදුවුණු ප්‍රශ්න හමුවේ අම්මා බියට පත්වුණත් අම්මාගේ හිත සැහැල්ලු කර ගත්තේ ඔයාවයි, නංගිවයි කවදාවත් විවාහයෙන් පසු නිවසින් පිටට නොදී, අපේ ඉඩමේ ම වෙනම ගෙවල් දෙකක්‌ හදලා පදිංචි කරනවා කියන සිතුවිල්ල සිතෙහි රඳවා ගන්න නිසයි.
"අම්මත් කවදහරි දවසක මල්ලිට නෝනා කෙනෙක්‌ ගෙනාපුවහම අම්මා නැන්දම්මා කෙනෙක්‌"
දැනුම් තේරුම් තියෙන වයසක පසුවන නව යෞවනයේ දොරකඩ ළඟ පිපී හිනැහෙන මල් කැකුළක්‌ බඳු මගේ දුව එහෙම කියන්නේ අම්මත් කවදා හරි දවසක මල්ලිගේ ජීවිතයටත් ප්‍රශ්නයක්‌ වේවි කියන හැඟීම සිතේ රඳවාගෙන කියන කාරණාව අම්මා නොදන්නවා නෙවෙයි දුවේ.
අපේ පවුල් පසුබිම තුළ නැන්දම්මා, ලේලිය කියන ප්‍රශ්නය ඉදිරියේ නිමක්‌ නැතිව ගොඩගැසෙන ප්‍රශ්න හමුවේ, ඒ ප්‍රශ්නවලින් ඔයාලාගේ පුංචි සිත් පීඩාවට පත්වීම තුළ දුව ජීවිතය පිළිබඳ කලකිරුණු ස්‌වභාවයක්‌ ඇතිවෙලාද කියන තත්ත්වය ඇත්තෙන්ම අම්මට තවත් ප්‍රශ්නයක්‌ වෙලා.
පුත්තු ඉන්න සෑම අම්මලාම නැන්දම්මලා වුණත්, නැන්දම්මා කියන නම නාමයට පමණක් තබාගෙන සැබෑම ලෙසින් අම්මලා ලෙස කටයුතු කරන නැන්දම්මලා මේ සමාජයේ නැතුවා නොවෙයි දුවේ.
ජීවිතය තේරුම් ගත්තු පුතෙකුගේ පවුල් ජීවිතයක ලස්‌සන, සතුට මෙන්ම සිනහව දකින්න කැමති අම්මලා නැහැයි කියන එක පිළිගන්න බැහැ. සමාජයට දෙනෙත් යොමු කිරීමේදී "ඔව් ඒක ඇත්ත තමයි" කියලා කියන්න පුළුවන් තත්ත්වයක්‌ අප අතර තියෙනවා දුවේ.
අම්මලා දුවලට ආදරෙයි. ඒ වගේම පුතාලටත් ආදරෙයි.
දියණිය සැප විඳිනවා දකින්න, දියණිය සතුටින් සිනහවෙන් ඉන්නවා දකින්න කැමති අම්මලා, බෑණලාට සලකන්නේ දියණියන්ට ඒ හරහා වැඩි සැලකිල්ලක්‌ ලබාදෙන්නයි කිව්වොත් ඒක බොරු කතාවක්‌ නෙමෙයි.
දුව ඒ කතාව අම්මත් එක්‌ක එහෙම කියන්නේ ආච්චිගේ ක්‍රියා පිළිවෙළ හොඳින් ම අවබෝධ කර ගත් නිසයි. ආච්චි එයාගේ දුවට දක්‌වන සැලකිලි සත්කාර නිසයි. ඒත් අම්මේ... අම්මලා පුතාලට ආදරේ වුණත්, ලේලිලාට ආදරේ නොවන්නේ ඇයි ද කියන දුව අහපු ප්‍රශ්නය හමුවේ අම්මා නිශ්ශබ්ද වුණේ අම්මා ළඟ ඊට පිළිතුරක්‌ නොවූ නිසයි.
"අම්මා කවදාකවත් නැන්දම්මා කෙනෙක්‌ වෙන්න එපා."
දුව ඔයා වයසින් එතරම් ලොකු වයසක නොවුවත්, අම්මගෙන් කළ ඉල්ලීම කෙතරම් සාධාරණ එකක්‌ දැයි අම්මා තේරුම් ගත්තේ දුවේ ඔයා මල්ලිට තියෙන දැඩි ආදරය නිසාවෙන්ම බව අම්මට තේරුම් ගැනීම අපසු වුණේ නැහැ.
අම්මා කවදාවත් ම නැන්දම්මා කෙනෙක්‌ වෙන්නේ නැහැ.
අම්මාගේ පිළිතුර හමුවේ දුවගේ මුවට සතුටු සිනහවක්‌ එක්‌වෙලා.
සෑම නැන්දම්මා කෙනෙක්‌ ම මවක්‌ වී සෑම ලේලියක්‌ ම දියනියක්‌ වෙන්න කියලා අපි ප්‍රාර්ථනාවක්‌ කරමු ද, දුව ඉල්ලීමක්‌ කරනවා.
එතකොට සෑම පවුලකම සතුට ඉතිරේවි, සිනහා හඬ රජයාවි.
අම්මා දුවගේ ඉල්ලීමට එකඟ වුණේ සතුට ඒ තරමටම හොඳ දෙයක්‌ නිසයි.
වසන්තා ශ්‍රියාකාන්ති
Copy Rights - Nawaliya
