10:41 AM
S M S Lanka
මුතු තරංගා
බොහෝ දෙනෙකුට ඇය මතකයට නැඟෙන්නේ මුතුකැට ඉසිරුණාක් වැනි ඇයගේ සිනහවත් සමඟ ය. ඇය අපට සිටින දක්ෂ යොවුන් රංගන ශිල්පිනියකි. ක්ෂේත්රයට පැමිණ කෙටි කලක් තුළ ම ප්රේක්ෂකයනට මතකයේ රැඳෙන චරිත කීපයකට ම ජීවය දෙන්නට ඇයට හැකි විය. ඇය මුතු තරංගා.
මුතු මොනවද ඔබ මේ දවස්වල කරන කලා කටයුතු?
සිරස නාලිකාවෙන් විකාශයවන ‘ආදරේ අහස තරම්’ දීර්ඝ ටෙලිනාට්යයේ රූපගත කිරීම්වලට සහභාගි වෙනවා. ඒ වගේ ම සංගීත ප්රසංගවලත් සහභාගි වෙනවා.
විකාශය වීමට නියමිත ඔබ රංගනයෙන් දායක වුණු ටෙලිනාට්ය මොනවාද?
මම රඟපෑ ටෙලිනාට්ය 07 ක් පමණ විකාශය වෙන්න තියෙනවා. හැබැයි ඒ ටෙලිනාට්යවල නම් අමතකයි.
ඔබ රංගනයට පිවිසුණු ආකාරය...?
මීට අවුරුදු කීපයකට පෙර මට සංගීතය සහ නර්තනය ඉගෙන ගන්න ‘එල්ෆින්ස්ටන්’ එකේ සරසවිපායට ගියා. සංගීතය ඉගෙන ගත්තෙ පී.වී. නන්දසිරි සර්ගෙන්. නර්තනය ඉගෙන ගත්තෙ චන්න විජේවර්ධන සර්
ගෙන්. එල්ෆින්ස්ටන් එකේ දී මට මුණ ගැසුණා නික් ජයමහ කියන මෝස්තර නිරූපණ ගුරුවරයා. ඔහුගේ මඟ පෙන්වීම මත මෝස්තර නිරූපණය පිළිබඳව ඉගෙන ගෙන මෝස්තර නිරූපණයට සම්බන්ධ වුණා. ඉන්පසුව රූපවාහිනි වෙළෙඳ දැන්වීම් කීපයකට සහභාගි වෙන්න අවස්ථාව ලැබුණා. මම රංගනයෙන් දායක වුණු පළමු ටෙලිනාට්යය තමයි සෙනේශ් දිසානායක ගේ ‘පුලින ප්රාසාද’ කියන ටෙලිනාට්යය. ඒ; 2003 වසරේ. එම වසරේ ම මට ‘සෙව්වන්දි’ කියන චිත්රපටයට දායක වෙන්නත් අවස්ථාව ලැබුණා. ඉන්පසුව මම ටෙලිනාට්ය ගණනාවකටත් චිත්රපට කීපයකටත් රංගනයෙන් දායක වෙලා තියනවා.
ඔබ ප්රේක්ෂකයින්ට වඩාත් ම ළං වුණේ කුමන ටෙලිනාට්යයෙන් ද?මම හිතන විදියට ‘වසුදා’ ටෙලිනාට්යයෙන්. එහි මම නිරූපණය කළේ අහිංසක චරිතයක් නෙමෙයි. තම නැන්දම්මාට විරුද්ධව වැඩකරන සැර පරුෂ කාන්තාවකගේ චරිතයක්. වසුදා නැරඹූ ප්රේක්ෂකයින් මගේ චරිතය පිළිබඳව කතා කළේත් තරහින්. ඒ; මම එම චරිතය හොඳින් නිරූපණය කළ නිසා වෙන්න ඕන. වසුදා ටෙලිනාට්යයට වගේ ම සුදු හංසි ටෙලිනාට්යයේ මම කළ රංගනයටත් හොඳ ප්රතිචාර ලැබුණා.
දැන් ඔබ අහිංසක චරිතවලටම කොටු වෙලා ද?
මටත් එහෙම හිතෙනව. හැබැයි මම රංගනයට පැමිණි මුල් කාලෙ මට විවිධ චරිත ලැබුණා. නමුත් පසුව මට අධ්යක්ෂවරු කතා කළේ අහිංසක චරිත රඟපාන්න. එන්න තියෙන මම රඟපෑ ටෙලිනාට්යවල මගේ විවිධ ආකාරයේ රංගන තියෙනව. ඒ ටෙලිනාට්ය තවම විකාශය නොවීම ගැන මම දුක් වෙනවා.
ගායනයෙන් ඉදිරියට යන්න බලාපොරොත්තුවක් තියෙනවද?
මම සංගීතය හදාරපු කෙනෙක්. යම් කිසි ගායන හැකියාවක් මට තියෙනව කියලත් මම දන්නවා. ඒ හැකියාව රටටම පෙන්වන්න අවස්ථාව ලැබුණේ ‘මෙගාස්ටාර්’ තරගාවලියෙන්. හැබැයි මගේ විදෙස් සංචාර කීපයක් ම ඒ තරගාවලිය නිසා මට අවලංගු කරන්න සිදු වුණා. මගේ ම ගීත කීපයක් නිර්මාණය කරන්න කියල බොහෝ දෙනෙක් කිව්වත් ඒ ගැන මම තවම හිතල නැ.
සංගීත ප්රසංග සඳහා ඔබ රටවල් කීයකට විතර මේ වනවිට ගිහිං තියෙනවද?
මේ වනවිට මම රටවල් 15 ක විතර පැවැත්වුණු සංගීත ප්රසංගවලට සහභාගි වෙලා තියෙනව. ලංකාව තුළත් මම එළිමහන් ප්රසංගවල ගීත ගායනා කරනව.
විදෙස් ප්රසංගවලදී මොනවගේ ප්රතිචාර ද ඔබට ලැබී තිබෙන්නේ?
හරිම පුදුමයි ඒ ගැන මතක් වනවිටත්. මට මේ වනතෙක් කිසිම සම්මානයක් හිමිවෙලා නෑ. නමුත් විදෙස් රටවල ප්රසංගවලට ගියාම එහි සිටින ලාංකික රසික රසිකාවියන් අපට දක්වන ආදරය ගෞරවය මට ලැබුණු හොඳම සම්මානය විදියට මම සලකනවා. සමහරු විවිධ කෑම වර්ග හදාගෙන ඇවිත් අපට දෙනවා. සිහිවටන ලෙස තෑගි බෝගත් දෙනවා. ඒ ප්රතිචාර මතක් වනවිට හරිම සතුටුයි.
ඔබ ‘ගාමණී’ චිත්රපටයට දායක වුණා නේද?
මම හිතන්නෙ ‘ගාමණි’ චිත්රපටයට රංගනයෙන් දායක වෙන්න ලැබීම මම ලද වාසනාවක් කියලයි. මම රඟපෑ චරිතය විශාල පරාසයක දිවෙන චරිතයක් නොවුනත් මම හරිම තෘප්තියකින් ඒ චිත්රපටයේ රඟපෑවා. එය හොඳ තේමාවක් සහිත නිර්මාණයක්. එහි අධ්යක්ෂවරයා දක්ෂ බුද්ධිමත් කෙනෙක්. ඒ වගේ ම එහි ප්රවීණ නළු නිළියන් රැසක් ම රඟපෑවා. ඒ නිසා ගාමණී චිත්රපටයට දායක වීම ගැන මට තියෙන්නෙ විශාල සතුටක්.
කලා ක්ෂේත්රය තුළ ඔබටත් කැපිලි කෙටිලි තිබෙනවාද?
අපොයි ඔව්. මුලදි නම් තිබුණේ නැහැ. ඒත් පසුව කැපිලි කෙටිලි හරියට ආවා. මට තේරෙන්නෙ නෑ මිනිස්සු ඇයි මෙහෙම කරන්නෙ කියල.
මොනවද ඔබේ පවුලේ තොරතුරු?
මගෙ අම්මයි තාත්තයි මමයි නංගියි තමයි පවුලේ අය. නංගි විවාහ වෙලා.
ඔබේ විවාහය ළඟදී සිදුවෙනවාද...?
ඔව්. බොහෝ දුරට ලබන අවුරුද්දෙ. 2012, මගේ විවාහය සිදුවේවි.
කවුද ඔබේ අත ගන්නෙ?
එයා නිශාන්ත අමුපිටිය. අපි හඳුනාගෙන දැන් අවුරුදු 8 ක් විතර වෙනවා. ඔහු මගේ සැමියා වීම මගේ වාසනාවක් ලෙසයි මම දකින්නෙ. ඔහු හොඳ අවබෝධයක් තියෙන මට උපරිම විදියට ආදරය රැකවරණය ලබාදෙන හොඳ කෙනෙක්. මගෙ යාළුවො නෑදෑයො දන්න කියන ගොඩක් දෙනා මට වඩා ආදරේ නිශාන්තට. ඒක මට හරිම සතුටක්.
විවාහයෙන් පසුවත් ඔබ රඟපානවද?
මම දිගටම රඟපානව. නිශාන්ත දැනුත් මාත් එක්ක ෂූටිංවලට එනව. එයා මගෙ කලා කටයුතුවලට විශාල සහයෝගයක් දක්වනවා.
වොලී ඩයස්ගේ වචනෙට ඉහළින් යන්න කවුරුවත්ම නෑ.
‘පසුගිය දවස්වල තිබුණු සුමති සම්මාන උළෙලේදී මට ලැබුණේ ප්රශස්ථ ඇගයීම් සම්මානයක්. ඒ ඔබද ලක්ෂපති මම ද ලක්ෂපති කියන වැඩ සටහන මෙහෙයවීම සම්බන්ධයෙන්. මේ ලැබුණු ලක්ෂපති සම්මානය මට මෙතෙක් ලැබුණු සියලු සම්මාන අභිබවා ගිහින්. මගේ ජීවිතයේ ලොකුම සම්මානය බවට පත් වුණා කියලා කිව්වොත් නිවැරැදියි.
මහාචාර්ය එදිරිවීර සරච්චන්ද්රයන්ගේ සිංහබාහු නාටකය මා නැරඹු වාර ගණන පිළිබඳ මට හරි මතකයක් නැත. වසරකට නොව, මසකට දෙතුන් වතාව එය නැරඹු අවස්ථා ද ඇති බව නම් මට මතකය.
හඳක් වගේ මුහුණේ හිනාව පිිරිලා ඉතිරිලා. නපුරුකම පේන්නවත් නැහැ.
දෙන්නාගේ කතා ගොඩයි. නිතරම දුවන්නේ අම්මා ළඟටමයි.
ඇගේ ස්වරය ද ළෙන්ගතුය. මේ දවස්වල පුංචි තිරයේ ක්රිෂ්ටි ෂෙල්ටන් ප්රනාන්දුගේ ‘නිල් අහස’ ටෙලි නාට්යයෙන් සතියේ දින පහ පුරාම ඔබගේ නිවෙසට පැමිණෙන ඈ දිගු කලකට පසුව අප සමඟ සුහද කතාබහකට මුල පිරුවාය.
ඇත්තටම මේ වෙද්දි අපේ ප්රේක්ෂකයන්ගේ රසඥතාව අන්තයටම පිරිහිලා. එයට හේතුව කලා ක්ෂේත්රය හැම අංශයකින් හොඳ නිර්මාණ බැහැරවෙලා. බොළඳ හරසුන් දේවල් රජයන්න පටන් අරන්. මේ වාතාවරණය තුළ අලුත් පරම්පරාව උසස් රසයක් තියෙන චිත්රපට, ගීත, ටෙලිනාට්ය හඳුනන්නේවත් නැහැ. ඔවුන් හිතන්නේ තමන් මේ නිරන්තයෙන් දකින්න ලැබෙන දේවල් තමයි හොඳ නිර්මාණ කියලා.
”මට නිවේදන කලාව නුහුරු නුපුරුදු දෙයක් නෙමෙයි. ඒත් ලංකාවේ ජනප්රියතම රියැලිටි වැඩසටහන වන ’රණවිරු රියල් ස්ටාර්’ දෙවැනි අදියරට නිවේදිකාවක ලෙස මටත් එක්වන්නට වාසනාව ලැබුණා. ඇත්තටම, මම මීට පෙර රියැලිටි වැඩ සටහන්වල නිවේදිකාවක ලෙස කටයුතු කරලා නැහැ. 
යසේකර අපොන්සුගේ දිල්කා දේකා නිකුත් වේ
ජයසේකර අපොන්සු බොහෝ විට අපට හුරුපුරුදු හාස්යය ගෙන දෙන රංගන ශිල්පියෙක් ලෙසටයි. ඒ ඔහු එදා මෙදා තුර රඟපෑ බොහොමයක් වේදිකා නාට්යය සහ ටෙලිනාට්යය චරිතවල ස්වරූපය ඒ හා සමාන නිසයි. රංගන ශිල්පියකුට අමතරව චිත්රපට අධ්යක්ෂවරයෙක් ලෙසටත් කටයුතු කරන ජයසේකර අපොන්සු රංගන වේදියා දිල්කා දේකා නමින් අලුත්ම සිනමා නිර්මාණයක් ඩී. වී. ඩී. තැටියක් ලෙස පසුගියදා එළිදැක්වූවා. දිනිත් එන්ට්රටේන්මන් නිෂ්පාදනයක් ලෙසින් එළිදැක්වූ මෙම චිත්රපටය සඳහා කතාව තිර රචනය හා අධ්යක්ෂණය කළේ ජයසේකර අපොන්සු විසින්මය.
