6:46 PM
S M S Lanka
ජයසේකර අපොන්සු බොහෝ විට අපට හුරුපුරුදු හාස්‍යය ගෙන දෙන රංගන ශිල්පියෙක්‌ ලෙසටයි. ඒ ඔහු එදා මෙදා තුර රඟපෑ බොහොමයක්‌ වේදිකා නාට්‍යය සහ ටෙලිනාට්‍යය චරිතවල ස්‌වරූපය ඒ හා සමාන නිසයි. රංගන ශිල්පියකුට අමතරව චිත්‍රපට අධ්‍යක්‍ෂවරයෙක්‌ ලෙසටත් කටයුතු කරන ජයසේකර අපොන්සු රංගන වේදියා දිල්කා දේකා නමින් අලුත්ම සිනමා නිර්මාණයක්‌ ඩී. වී. ඩී. තැටියක්‌ ලෙස පසුගියදා එළිදැක්‌වූවා. දිනිත් එන්ට්‍රටේන්මන් නිෂ්පාදනයක්‌ ලෙසින් එළිදැක්‌වූ මෙම චිත්‍රපටය සඳහා කතාව තිර රචනය හා අධ්‍යක්‍ෂණය කළේ ජයසේකර අපොන්සු විසින්මය.
අලුත් අත්දැකීමක්‌ ප්‍රේක්‍ෂකයා වෙත ගෙන ඒමේ බලාපොරොත්තුවෙන් නිර්මාණය කර ඇති දිල්කා දේකා සඳහා අපොන්සු මූල බීජය ලෙසට ගෙන ඇත්තේ චිත්‍රපටයක්‌ රූගත කරන්න යන පිරිසකට මුහුණපාන්නට වුණු සිදුවීමක්‌ පසුබිම් කරගෙනය.
හාස්‍ය, කම්පනය, උපහාසය යන සෑම අංගයක්‌ම ස්‌මතු කරමින් හන්තාන ප්‍රදේශයේ රූගත කිරීම කළ මෙම අලුත් නිර්මාණයට හින්දි ගීත කිහිපයක්‌ ඇතුළත්. ප්‍රවීණ මෙන්ම නවක ශිල්පීන් කිහිප දෙනෙකුම රංගනයෙන් එක්‌වී සිටින දිල්කා දේකා ඩී. වී. ඩී. පටයක්‌ ලෙසින් එළිදැක්‌වීමේ අරමුණ වී ඇත්තේ සිනමා ශාලාවකට ගොස්‌ චිත්‍රපටයක්‌ නරඹනවාට වඩා වැඩි පිරිසක්‌ අද නිවසේදීම සංයුක්‌ත තැටි මගින් චිත්‍රපට නැරැඹීමට පෙළඹී ඇති නිසයි.
Copy Rights - Divayina
Posted in: 
-
0 comments:
Post a Comment