5:01 PM
S M S Lanka
© Copy Rights - http://www.sarasaviya.lk
තවත් අලුත් ආරක වේදිකා නාට්‍යයක් රැගෙන සුනිල් ශ්‍රී මෙම මස 21 වැනිදා මරදාන ටවර් රඟහලේදී ප්‍රේක්ෂකයන් හමුවීමට සැරසෙයි.
‘බූවල්ලා’ නම් වූ එය සුනිල්ගේ දාහතර වැනි වේදිකා නාට්‍යයි.
මෙහි සංකල්පය වසර ගණනාවක් තිස්සේ මගේ සිතේ දෝලනය වෙවී තිබුණා. මේක අමුතුම අන්දමේ වේදිකා නාට්‍යයක්. දරුවො නිසා ගෙදරින් බැහැර වන මව්පියන් පිළිබඳවත්, මව්පියන් නිසා ගෙදරින් බැහැර වන මව්පියන් පිළිඳවත් තමයි මෙයින් කිය වෙන්නේ.
‘බූවල්ලාත්’ ඔබ මීට ප්‍රථම නිිර්මාණය කළ ඒවා වගේම ප්‍රහසනයක්ද?
හාස්‍ය ඔස්සේ යම්කිසි පණිවුඩයක් ජනතාව අතරට ගෙනි යන්න ලේසියි. මෙහි හාස්‍ය පැත්තට වැඩි නැඹුරුතාවයක් තිබුණට ඒකෙ එක අසභ්‍ය වචනයක්වත් නැහැ. මේක මම වගකීමෙන් කියන්නේ. අද සමහර වේදිකා නාට්‍යයවල විහිළු ලෙස භාවිත කරන්නේ කුණුහරුප. ඒත් මගේ නාට්‍යය පවුලේ සැමට එකට රස විඳිය හැකියි.
බොහෝ නාට්‍යකරුවන් වේදිකාව අතහැර යන යුගයක ඔබ වේදිකා නාට්‍යකරණයේම නියැලෙන්නේ ඇයි?
මට විශ්වාසයෙන් යමක් කරන්න පුළුවන් වේදිකාවේ. මං නිර්මාණය කළ වේදිකා නාට්‍යය සාර්ථක වුණා. තොත්ත බබාලා, බර අවි ඊට හොඳම උදාහරණ. ‘බර අවි’ දර්ශන වාර දෙසීයයකට අධික ගණනක් කළා. හොඳ ප්‍රේක්ෂක ප්‍රතිචාරත් තිබුණා. තව දෙයක් තියනවා, මා වටා ඉන්නවා නාට්‍ය සංවිධායක පිරිසක්. ඔවුන් මගෙන් නිතරම මගේ නාට්‍යයක් ඉල්ලනවා. එහෙම තත්ත්වයක් තියෙද්දි මං වේදිකාවෙන් බැහැර වෙන්නේ කොහොමද?
බූවල්ලාට අමතරව මොනවද ඔබේ වෙනත් කලා කටයුතු?
මං චිත්‍රපටයක තිර පිටපතක් ලියමින් සිටිනවා. ඒක අතරමඟ නවතා දමලයි බූවල්ලා පටන් ගත්තේ. ඊට අමතරව විශේෂ කටයුත්තක් සිදු කෙරෙන්නේ නැහැ.
‘බූවල්ලා’ සඳහා යොදාගෙන ඇති සම්පත් දායකත්වය ගැන පැවසුවොත්?
ජයසේකර අපෝන්සු, සුසිලා කෝට්ටගේ, නන්දන හෙට්ටිආරච්චි, සුදර්ශි ගැලනිගම, ශාන්ත ප්‍රියදර්ශන, නිලන්ති ගුණවර්ධන, රොමේෂ් සංජේ, නිහාල් විතානගේ, ලලින්ද්‍රි, දිසානායක, සූරිය බණ්ඩාර, ධනුක සිල්වා, නිමල් රෝහිත, ගාමිණී කොස්තා සමඟ මම මෙහි චරිත නිරූපණයේ යෙදෙනවා.
සුමුදු සූරියකුමාර විදුලි ආලෝකයෙන් ද, ගාමිණී කොස්තා අංග රචනයෙන් ද, තිස්ස වීරවර්ධන පසුතල නිර්මාණයෙන් ද, ලකී දේවා සංගීතයෙන් ද, කොල්වින් රාජපක්ෂ නිෂ්පාදනයෙන් ද මෙයට එකතු වෙනවා.
Posted in: StageDrama
0 comments:
Post a Comment