4:55 PM
S M S Lanka
“මොඩ් යකා” රැගෙන රට වටා යන්නට සැරසෙන කපිල සර්
යකුන් ගැන පසුගිය කාලයේ කතා එමටය. ඒ ‘ග්‍රීස් යකුන්’ නිසාවෙනි. දැන් නම් ඒ යකුන් උන්නද මළා ද නැත. කිසිම හා හූවක් නැති ගානය. නමුත් එය පුංචි විරාමයක් යැයි දැන් හැෙඟන්නේ තවත් අමුතුම මාදිලියේ යක්ෂ කතාවක් මේ දිනවල ඇසෙන නිසාය.
‘මොඩ් යකා’ ජන්මය ලැබුවේ කුවෙට් රාජ්‍යයේ ‘දොහා එන්ටර්මන් සිටි’ හි ඉදි වූ අලංකාර වේදිකාවක් මතය. ඒ මීට වසර හත අටකට පමණ පෙරය. ඔහුගේ උපත එදා කුවෙට් වැසියන්ගේ ප්‍රීති ප්‍රමෝදයට හේතුවක් විය.ඒ ‘මොඩ් යකා’ උපන් ගෙයි විනෝද කාමියකු වූ බැවිනි.‘කපිල සර් කිව්වම මුළු කුවේටයම මාව දන්නවා. ඒ තරම්ම මම එහෙ ජනප්‍රියයි. මොකද අපේ රටේ සිංහල නැටුම් කලාව කුවෙට් රාජ්‍යයට හඳුන්වා දීලා ජනප්‍රිය කෙරුවෙ මම. මගේ වයසෙන් බාගයක්ම ගත කළේ එහෙ. ඒ කියන්නෙ අවුරුදු තිහකට ඔන්න මෙන්න වගේ කාලයක්. ‘මොඩ්’ කිසිම ඉස්පාසුවක් නැතිවම කතා කරයි.
මම මුලින්ම ‘මොඩ් යකා’ ප්‍රසංගය කුවෙට් රටේදී පෙන්නපු අවස්ථාවේම විශාල ප්‍රේක්ෂක ප්‍රතිචාරයක් ලැබුණා. ඒ නිසාමයි ලංකාවටත් ‘මොඩ් යකා’ ගෙන එන්න අදහස් කළේ. මම දන්නවා අපේ සහෝදර ප්‍රේක්ෂකයන්ටත් ‘මොඩ් යකා’ හොඳට අල්ලලා යයි කියලා.
‘මොඩ්ව’ අරගෙන දැන් රට වටේම යන්න මම සූදානම්. මේ වන විටත් බොරැල්ල, රාජගිරිය, ගම්පහ වගේ කීප තැනකම මොඩ් යකා නටලා ඉහළම ප්‍රතිචාර ලැබිලා තියෙනවා.
ටී. එන්. එල්. එකේ ඒ. ඉ. ර්‍ථ පැදුරු පාටියෙන් තමයි මාව මුලින්ම අපේ ප්‍රේක්ෂකයන්ට හඳුන්වා දුන්නේ. ඒ පිළිබඳ ඒ. ඉ. ර්‍ථ. ලියනගේ මහත්මයාට මගේ ගෞරවය පිරිනමනවා, ඔහුගේ දිග කතාව මොහොතකට නැවතිණ.
කපිල බාලසූරිය කුවේටයට පළමු වරට ගියේ අසූව දශකයේ මුල් භාගයේදීය. සදාම් හුසේන් අනූ එකේදී කුවේටය අල්ලා ගත් පසු ඔහුටත් ලංකාවට එන්නට සිදු විය. නැවතත් ඔහු එහි ගියේ අමෙරිකාව සදාම් හුසේන් පන්නා යුද්ධය නිමා කළ පසුවය.
ම් අතර කාලය වසර විසි අටක් පමණ හවුස් කීපිං සුපවයිසර් කෙනෙක් ලෙස සේවය කළ ඔහු ඉඩ ලැබෙන සෑම වෙලාවම යොදා ගත්තේ කලා කටයුතු සඳහාය. ඔහු දක්ෂ නර්තන ශිල්පියකු හා ගායකයකු ද විය. ලංකාවෙන් යන සෑම සංගීත කණ්ඩායමක් සමඟම ඔහු එහිදී ගී ගැයුවේය. අසල්වැසි අරාබි රටවල ප්‍රසංග සඳහාද ඔහුට ආරාධනා ගලා ආවේය. ඒ ඔහු සතු වූ මේ සුවිශේෂ හැකියාව නිසාය.
පිටරටක හිටියත් නිතරම සිංහල සිරිත් විරිත් ගරු කළ ඔහු සිංහල සංස්කෘතිකාංග කුවෙට් ජාතිකයන්ට ද හුරු කරලීමට විශාල වෙහෙසක් ගත්තේය. සෑම සිංහල අවුරුදු සමයකම සිංහල නැටුම්, නාට්‍ය, සංගීත ඇතුළත් සංස්කෘතික උළෙලවල් සංවිධානය කරමින් කුවෙට් වැසියන් ද ඒවාට දායක කර ගත්තේය. මේ සඳහා සුනිල් පෙරේරා නම් තවත් ලාංකිකයෙක් ද ඔහු හා මුල් විය.
2000 වර්ෂයේ පැවැති ‘ශ්‍රී ලංකා දිනය’ නමැති තවත් උළෙලකදී කුවෙට් ජාතික තරුණියන්ට අපගේ පාරම්පරික උඩරට, පහත රට නැටුම් පුහුණු කරවා වේදිකාවට ගෙනාවේය. ‘මේ කුවෙට් තරුණියන්ට මම නැටුම් ඉගැන්නුවෙ හරිම වෙහෙසක් දරලා.මාස ගණනක් පුහුණුවීම් කරලා. අපරාදෙ කියන්න බෑ අපේ සිංහල ළමයි වගේම කිසි වෙනසක් නැතුව ඔවුනුත් එදා නැටුවා. උපේක්ෂා ස්වර්ණමාලි පළමු වතාවට වේදිකාවකට ගෙන්නුවෙ මම මේ ෂෝ එකෙන්. එතකොට එයාලා පදිංචි වෙලා හිටියෙ එහෙ.
උපේක්ෂාටත් මම තමයි නැටුම් ඉගැන්නුවෙ. එයා හරිම උනන්දුවෙන් හොඳට ඉගෙන ගත්තා. මට එදා තේරුණා කවදා හරි එයා කලාව පැත්තෙන් ඉහළටම යනවා කියලා. මම ඒ බව එදාම එයාට කිව්වා.’ පුතේ ඔයා කවදා හරි ලංකාවෙ කලා ක්ෂේත්‍රයේ හිනි පෙත්තටම යනවා’ කියාලා.
ඒ වගේම එයා හරිම කීකරු ළමයෙක්. මට හරිම සන්තෝෂයි එයා අද ඉන්න තැන දැක්කම. එහි කොටස් කාරයෙක් වෙන්න ලැබුණට මට තියෙන්නෙ කියන්න බැරි තරම් සතුටක්. ඒ වගේම උපේක්ෂාගෙ අම්මා නිර්මලීත් අපේ කලා කටයුතුවලට විශාල සහයෝගයක් දුන්නා.ඇයට හොඳ කලා රසිකත්වයක් තිබුණා. කපිල යටගියාව සිහිපත් කළේ බොහොම හැඟීම්බරවය.
මේ කාලය තුළ ඔහු තවත් අපූරු වික්‍රමයක් කර ඇති බව සියැසින්ම මට දැකගන්නට ලැබුණේ ඔහු දුන් වීඩියෝ පටයක් නැරැඹීමෙණි. එය ප්‍රසංග වේදිකාවකි. නීල් ප්‍රමුඛ සන්ෆ්ලවර්ස් සංගීත කණ්ඩායම සංගීතය සපයයි.
කුවෙට් ජාතික තරුණියන් දෙදෙනකුට සිංහල උගන්වා ඔහුත් සමඟ හරි හරියට රඟපෑමේ යෙදේ. හාසේ‍යීත්පාදක ගණයේ නාට්‍යයක් වූ එහි ඔවුන් ඉතා දක්ෂ ලෙස සිංහල භාෂාව හසුරුවන අයුරු පුදුම සහගත බවක් ගෙන දේ.
සුළු මොහොතකින් එම තරුණියන් දෙදෙනාම අපේ පැරැණි ජනප්‍රිය සිංහල ගීත රැසක් සන්ෆ්ලවර්ස් සංගීතයට අනුව ගායනා කරන අයුරුත් දැක ගත හැකි විය. අෆාඒ සහ නුරා එම තරුණියන්ගේ නම් බව කපිලගෙන් දැනගන්නට ලැබුණි.
ඔවුන්ට සිංහල භාෂාවත්, මෙම ගීතත් පුහුණු කිරීමට අප්‍රමාණ වෙහෙසක් දැරීමට සිදු වූ බව ද ඔහු පවසයි. මෙවැනි විශ්මිත වූ විශාල වැඩ කොටසක් කරමින් සිංහල කලා රසාංග කුවෙට් දේශයට හඳුන්වා දුන් ඔහු කුවෙට් වැසියන්ගේ නොමඳ ආදරයට පත්ව සිටියේය.
‘කපිල සර්’ කියා කට පුරා ඔහු ආමන්ත්‍රණය කරන්නට ඔවුන් පුරුදුව සිටියේ ඔහු කළ එම සේවයට ගරු කිරීමක් ලෙසය.
දැන් කපිලට මේ 0774369400 අංකයට ඇමතීමෙන් ‘මොඩ්’ සමඟ සම්බන්ධ විය හැකිය.
Posted in: 
0 comments:
Post a Comment