4:58 PM
S M S Lanka
වසරේ විෂිශ්ටතම නිළිය හිමාලි
ඇය අපට මුලින් ම හමු වන්නේ රූපවාහිනි වැඩ සටහන් ඉදිරිපත් කරන්නියක්‌ නැත්නම් නිවේදිකාවක්‌ ලෙසයි. අනතුරුව ඕ අපට හමුවන්නේ රංගන ශිල්පිනියක ලෙසයි. නිවේදක නිවේදිකාවන් ලෙස කරලියට පැමිණි කිහිපදෙනෙකු ම පසුගිය කාලයේ රංගන ශිල්පීන් ලෙස පුංචි තිරය හරහා අපගේ ආලින්දයට ගොඩ වුණා ඔබට මතක ඇති. මේ මොහොතේ ඒ සියලු දෙනාගේ නම් ගම් අපි හෙළි නොකළත් එයින් කිහිප දෙනකුම තම රංගන ප්‍රතිභාව නිසා ම තම ප්‍රධාන වෘත්තීය ලෙස රංගනය තෝරාගෙන ඇති බව නොරහසක්‌.
හිමාලි සයුරංගි නම් නව යොවුන් රංගන ශිල්පිනිය ද එවන්නියකි.
වසර හයක්‌ පමණ වන තම රංගන දිවිය තුළ ඇය කිහිප වතාවක්‌ ම සම්මානයට පාත්‍ර වුණ බව අපට මතකයි. ඕ.ස.sඅය.sසී , සරසවි සම්මාන හා රයිගම් සම්මානද හිමාලි ලබාගෙන තිබෙනවා. ඒ අතර ඇය පසුගියදා 16 පැවැති සුමති ටෙලි සම්මාන උළෙලේ දී වසරේ හොඳම ටෙලි නාට්‍යය නිළිය ලෙස සම්මාන ලැබුවා. ඒ තක්‌සලාව නම් ටෙලි නාට්‍යයේ ගුරුවරියක ලෙස ඇය ඉදිරිපත් කළ රංගනය වෙනුවෙන්.
"ඇත්තට ම සුමති ටෙලි සම්මාන උළෙල සාධාරණ විනිශ්චයක්‌ තුළ මේ සම්මානය ලැබුණා යෑයි මම හිතනවා. මොකද මේ ටෙලි නාට්‍ය විකාශනය වන සමයේ සිට ම කලා ක්‍ෂේත්‍රයේ අය මෙන්ම රසික ජනතාවගෙන් යහපත් ප්‍රතිචාර නාට්‍යට මෙන් ම මා කළ චරිතයටත් ලැබුණා. ඒ නිසා සාධාරණ සම්මානයක්‌ ලැබුණා කියලා මම අහිංසක සතුටක්‌ ලබනවා.
ඔබ නිවේදිකාවක ලෙසත් කටයුතු කරනවා නේද?
ඔව්. යම්කිසි නාලිකාවකට බැඳි නිවේදිකාවක ලෙස කටයුතු කරද්දී වගකීම් වැඩියි. අදාළ නාලිකාව ගැන සිතිය යුතුයි. අපේ භාෂාව වචන භාවිතය ඉදිරිපත් කරන වැඩසටහන ආදිය සියලු දේ ගැන හිතන්න ඕනේ. සජීවි වැඩ සටහනක දී නම් වැරැදීම් නිවැරදි කරන්න බැහැ. මේ නිසා නිවේදිකාවක ලෙස කටයුතු කිරීම වගකීම් වැඩියි.
වඩාත් සතුටු වන්නේ
නිළියක ලෙස ද නිවේදිකාවක ලෙසද ?
මම රංගන ශිල්පිනියක්‌ ලෙස සතුටු වෙනවා. එහිදී මගේ දෙයක්‌ ඉදිරිපත් කරන්න පුළුවන්. එහි අධ්‍යක්‌ෂකවරයෙක්‌ සිටිනවා ඔහුගේ නිර්මාණ අවශ්‍යතාවය අනුව සැහැල්ලුවෙන් ඒ ඉදිරිපත් කිරීම කරන්න පුළුවන්.
සමහර අය කියනවා සම්මානයක්‌ ලැබුණා ම සහෝදර ශිල්පීන් මුහුණ බලන්නෙත් නැහැ කියලා. ඔබට කොහොමද ලැබෙන ප්‍රතිචාර?.
හුඟාක්‌ හොඳයි මේ සම්මානයට පාත්‍රවුණ තක්‌සලාව ටෙලිය විකාශය වෙද්දී ලැබුණු ප්‍රතිචාර බොහෝ දෙනකුට මතකයි. ඒ නිසා ඒ ගැන අද කාටවත් දොස්‌ කියන්න බැහැ. අරුණ්‍යාට මම සාධාරණ ඉටු කළ බව දන්න අය මට සුබ පතනවා.
-සුගත්
ජායා- සමන් රණවීර
NAWALIYA
-
0 comments:
Post a Comment