6:24 PM
S M S Lanka
අරමුණක්‌ යනු ජීවිතයේ තවත් එක්‌ අධිෂ්ඨානයකි. ඔබ අප සියළු දෙනා අපේ ජිවිතයේ යම් යම් අවස්‌ථාවන් හි දී ඇතිකරගත් අරමුණු පෙරදැඩිව ක්‍රියා කරයි. නමුත් බොහෝ පුද්ගලයන් එම අරමුණ කරා ළඟා වීමට නොහැකිව පසුතැවෙයි. අරමුණු කරා ළඟාවීමට හැකි වූ සුළුතරයක්‌ පිරිස ජයග්‍රාහකයින් ලෙසින් අරමුණ කරා ඉක්‌මනින් ළඟාවිමට නොහැකි වුවත් පරාජිතයන් ලෙසත් හැඳින්වීමට සමාජය පෙළඹී සිටියත් ස්‌ව අරමුණ හොඳින් හඳුනාගෙන සිටීම හා එම අරමුණ කරා සෙමෙන් ළංවීම ජයග්‍රහණයක්‌ කොට සලකන්නේ ඉතා සුළු පිරිසක්‌ පමණි. නමුත් පෞර්ෂ්‍යත්වයෙන් පිරිපුන් පුද්ගලයෙකු ලෙස ඔබ ඔබේ අරමුණ හඳුනාගෙන සිටීම ජයග්‍රහණයක්‌ බව සිහි තබා ගත යුතුය. ඔබ ඔබගේ අරමුණ කරා යන ගමනේ දී ඇතැම්විට සිදුවන අපහසුවීම් නිසා යම් යම් පසුබැසීම් වලට මුහුණ දුන්නද ඒවා අත්දැකීම් කොටගෙන ජයග්‍රහණ කරා ගමන් කිරීම පෞර්ෂ්‍යය සම්පන්න පුද්ගලයාගේ ලක්‌ෂණය යි. එබැවින් ඔබත් පුද්ගලික අරමුණ සකසාගන්නා ආකාරය පිළිබඳව මෙම ලිපියෙන් සාකච්ඡා කරමු.
ඔබ ප්‍රථමයෙන් ඔබගේ අරමුණ හොඳ හැටි වටහා ගන්න. පැහැදිලි අරමුණක්‌ වෙනුවෙන් වෙහෙසීම එතරම් නුවනැති කටයුත්තක්‌ නොවේ. අපැහැදිලි අරමුණ කරා ගමන් කිරීමේ දී ඔබ දුර්වල වීමට ඇති ඉඩකඩ වැඩිවේ. උදාහරණයක්‌ වශයෙන් ඔබ ඔබගේ බර අඩුගැනීම අරමුණ කොට ගන්නේ නම් ඒ සඳහා අවශ්‍ය ව්‍යායාම් පිළිබඳව
දැඩි අවධානය යොමුකළ යුතු ය. එසේ අරමුණ වටහා ගැනීම ඔබ අරමුණ වෙත වඩාත් සමීප කරවයි.
තවද ඔබ මනඃකල්පිත අරමුණු වෙත ගමන් කරන්නේ නම් එය අසාර්ථක වීමට ඇති සම්භාවිතාව වැඩිවේ. එබැවින් ඔබ මනඃකල්පිත අරමුණු වෙත ගමන් කිරීම එතරම් සුදුසු නොවේ.
තව ද ඔබේ අරමුණ කොටස්‌ වශයෙන් හඳුනාගෙන ඒවාට කාල වකවානු තීරණය කරන්න. එවිට ඔබට ඔබේ අරමුණ ජයගැනීම වඩාත් පහසු වනු ඇත. එසේ ම ඔබ ඔබේ අරමුණ ඔබට නිතර පෙනෙන ස්‌ථානයක ලියා තබන්න. එවිට එය දකින වාරයක්‌ වාරයක්‌ පාසා ඔබ ඔබේ අරමුණ වෙනුවෙන් උත්ප්‍රේරණය වේ. ඔබ මෙලෙස ක්‍රියා කිරීම තුළින් ඔබේ අරමුණු ජයගැනීම වඩාත් පහසුවනු ඇත.
-
0 comments:
Post a Comment