11:46 AM
S M S Lanka
අවසානයේ ආරම්භය BREAKING DAWN -1
ලොව පුරා මහත් ජනප්‍රියත්වයට පත් ‘ට්වයිලයිට්’ චිත්‍රපට පෙළ ආරම්භ වූයේ එනමින් යුත්, කැතරින් හාඩ්විකේගේ සිනමා පටය 2008 නොවැම්බර් 21 දා ලොව පුරා ප්‍රදර්ශනය වීමත් සමඟිනි. අද්භූත ප්‍රේම වෘත්තාන්තයක් සහිත මෙම චිත්‍රපට පෙළට පාදක වූයේ ඇමෙරිකානු ලේඛිකා ස්ටෙෆනි මේයර් ගේ කොටස් 4කින් යුත් වූ ‘ට්වයිලයිට්’ නවකතා පෙළයි.මෙම චිත්‍රපට පෙළේ දෙවැන්න ‘ද ට්වයිලයිට් සාගා නිව් මූන් තිරගත වූයේ 2009 දීය. එම චිත්‍රපටය ක්‍රිස් වෙයිට්ස්ගේ අධ්‍යක්ෂණයක් වූයේය. එහි තෙවැන්න ‘ඉක්ලිප්ස්’ පසුගිය වසරේ තිරගත වූ අතර ඩේවිඩ් ප්ලේඩ් එය අධ්‍යක්ෂණය කර තිබිණි.
පසුගිය 16 වනදා සිට චිත්‍රපට පෙළේ සිවුවැන්න ’බ්‍රේකිං ඩෝන් – 1’ යන නමින් තිරගත වන අතර එය දැන් මෙරට ප්‍රේක්ෂකයන්ට නැරඹීමට ද අවස්ථාව සැලසී තිබේ. බිල් කොන්ඩන් අධ්‍යක්ෂණය කර ඇති ‘බ්‍රේකිං ඩෝන් – 1’, ට්වයිලයිට් චිත්‍රපට පෙළේ අවසානයේ ආරම්භය ලෙස සැලකෙයි. එහි අවසන් කොටස ‘බ්‍රේකිං ඩෝන් –2’ යන නමින් ලබන වසරේදී තිරගත වීමට නියමිතය.
කොටස් පහකින් යුක්ත වූ ‘ට්වයිලයිට්’ චිත්‍රපට පෙළේ විශේෂත්වයක් වන්නේ ඒ ඒ කොටස්වලදී අධ්‍යක්ෂවරුන් වෙනස් වූවත් සෑම කොටසකම තිර රචනය මෙලිසා රෝසන්බර්ග් වෙතින්ම ලියැවීමයි.
ඩොලර් ලක්ෂ 2630ක වියදමින් තැනී ඇති ‘බ්‍රේකිං ඩෝන් –1’ හි ක්‍රිස්ටෙන් ස්ටෙවර්ට් බෙලා ස්වෝන් ලෙස ද රොබට් පැට්සන් එඩ්වඩ් කුලෝ මෙන්ද චරිත නිරූපණය කරති. ජේකබ් බ්ලැක් ලෙස රගපාන්නේ ටේලර් ලෝට්ෆර්ය.බෙලා මිනිස් දියණියක වුවත් එඩ්වඩ් වැම්පයරයෙකි. චිත්‍රපට පෙළේ මුල් කොටස්වලින් දැක්වූණේ ඔවුන්ගේ ප්‍රේමයයි. ‘බ්‍රේකිං ඩෝන් –1’ ඇරඹෙන්නේ බෙලා සහ එඩ්වඩ් විවාහ වී මධුසමය ගතකිරීමට බ්‍රසීල වෙරළට නුදුරු දූපතක් වූ ‘අයිල් එස්මෙ’ වෙත යාමෙනි. එහිදී බෙලා වටහා ගන්නේ තමා ගැබ්ගෙන ඇති බවයි. අර්ධ මනුෂ්‍ය අර්ධ වැම්පයර දරුවකු කුසෙහි දරා සිටින ඇය දරු ප්‍රසූතියේදී මරණාසන්න තත්ත්වයට පත්වෙයි.
එඩ්වඩ් බෙලාගේත් තම ලෙයින් ඉපදෙන්නට සිටින දරුවාගේත් ආරක්ෂාව සඳහා ගන්නා පියවර කුමක්ද? බෙලා ගේ රුධිරය පානය කොට ඇය හා දරුවා ද වැම්පයරයන් බවට පත් කිරීමද?
බෙලා දරුවා ප්‍රසූත කරන තුරු ජේකබ් බ්ලැක් පමා වන්නේ ඇයි?
ත්‍රාසය, කුතුහලය හා අද්භූතභාවය පිරීගත් ‘බ්‍රේකිං ඩෝන් –1’ ‘ට්වයිලයිට්’ චිත්‍රපට පෙළ දිගින් දිගටම නැරඹූ ප්‍රේක්ෂකයන්ට තවත් ආස්වාදනීය අත්දැකීමක් වනු නිසැකය.
0 comments:
Post a Comment